As nenas e nenos do segundo nivel foron hai algúns días facer a compra por Salceda. Grazas a colaboración das familias, cada neno e nena trouxo o seu diñeiro para mercar algún produto (pan, froita, legumes, ...) que lle encargara a súa familia. Foi unha experiencia moi significativa ao traballar distintos contidos matemáticos ao mesmo tempo que afiuzaban competencias.
Non queda nada para rematar este curso; desde o segundo nivel traballamos arreo para facer da experiencia educativa unha experiencia enriquecedora, é por iso intentamos traballar coordinados, en conxunto os catro niveis. Xuntos unímonos no corredoiro para recrear as conmemoracións oficiais do ano e así potenciar a convivencia entre os catro grupos. Aquí vos deixamos algúns exemplos.
Os alumnos/as de 1º nivel asistiron a unha actividade do Club da Vitamina, onde aprenderon máis cousas sobre os beneficios das froitas e probaron o rica que están. Ao finalizar a actividade recibiron un diploma.
Esta vez tocoulles ao grupos de 2ºB e 2ºC visitar as instalacións do aeroporto de "Peinador" o 18 de marzo, xusto antes das vacacións do 2º trimestre. Aínda que o tempo non acompañaba moito, foi unha experiencia inolvidable. Grazas "Peinador", grazas ao equipazo de bombeiros do aeroporto.