Publicacións

Seguriño 🚦

No marco do Plan Proxecta 23-24 no noso centro levarase a cabo o programa de MOBILIDADE SOSTIBLE E SEGURA mediante o nome  "SEGURIÑO" . O que se pretende co desenvolvemento deste programa é a creación de hábitos de desprazamentos cara modelos máis seguros, activos e sostibles. Podedes consultar toda a información no referido a este programa no seguinte enlace: SEGURIÑO (mobilidadealtamira.blogspot.com) Ata loguiño! 🚦🚓🚸⛔

Unha visita moi especial!

Imaxe
  O pasado 11 de xaneiro recibimos a visita dunha voluntaria da Protectora de Animais "Os Biosbardos" da localidade veciña de Ponteareas. Ana, que así se chama a voluntaria, non veu sola. Veu moi ben acompañada, xa que trouxo con ela aos seus dous cadeliños, Maui e Chanquete, os cales foron adoptados. Ana explicounos en que consiste o traballo dos voluntarios e voluntarias da protectora, ademais da gran importancia das acollidas, das adopcións e mesmo dos apadriñamentos. Foi unha charla moi enriquecedora, xa que ademais tamén nos ensinou curiosidades sobre a linguaxe corporal dos cans e dos gatos, datos para o correcto coidado das mascotas, e, a parte que máis nos impactou: o antes e o despois de animais que foron recollidos en moi malas condicións e lograron sacar adiante. Pero sen dúbida, o que máis nos gustou foi poder interactuar cos peludiños. Incluso lle puidemos dar de comer! Foi xenial! Ana tamén respondeu a todas as nosas preguntas, que non foron poucas a ver

Entroido 2024

 

Día da paz

    O día 30 de xaneiro conmemoramos no CEP Altamira o Día da Paz. Os deixamos o video que realizamos.  

Achégase o entroido! Mans á obra! ✂👚

Dende segundo curso informamos de que o noso disfraz será: esquiadores/as! 🎿 O alumnado necesitará traer ao colexio (canto máis pronto posible) o seguinte: -         2 paus de recolledor . De plástico ou de madeira. Non importa a cor. -         1 par de esquís de cartón . A continuación móstrase un vídeo de como se fan: O día do Entroido (9 de febreiro) o alumnado deberá vir vestido da seguinte maneira: -         Roupa toda negra , tanto o pantalón como a parte de arriba (suadoiro, xersei ou chaqueta). -         Botas de neve/inverno ou algún tipo de bota ou zapatillas semellante. -         Luvas.✋ -         Gorro.     

Patrulla Apadriña 🐾

Imaxe
Este curso, os nenos e nenas de 2º de Primaria do CEIP Altamira unimos as nosas forzas para levar a cabo un fermoso proxecto en común, a Patrulla Apadriña .  Trátase dun programa de innovación educativa da Xunta de Galicia. Concretamente é a iniciativa Plan Proxecta “Protexe os animais”. O obxectivo principal deste proxecto é a sensibilización sobre a necesidade de dar un bo trato aos animais. Será obxecto da nosa análise desde a forma en que unha mascota chega ás nosas vidas (adopción, acollida...), os seus coidados básicos (alimentación, hixiene, saúde, amor...), as profesións relacionadas cos animais, a importancia da labor das protectoras, etc. Ademais, dende a Patrulla Apadriña , participaremos en diversas iniciativas que terán como finalidade a mellora da calidade de vida dos animaliños. Estade moi atentos porque pronto comezaremos a contarvos as nosas aventuras... Un saúdo!

Magosto 🌰

Imaxe
Amósamosvos a celebración do magosto no CEP Altamira. No primeiro ciclo comimos castañas ata fartar! Que ricas!